ന്യൂ കാസ്സിൽ: ഒരു വിശ്വാസവും ഒരു മമോധീസായും ഏറ്റു പറഞ്ഞു കൊണ്ട്, ന്യൂ കാസ്സിൽ രൂപതയിലെ വിവിധ രാജ്യങ്ങളിലെ കത്തോലിക്കാ വിശ്വാസികൾ തങ്ങളുടെ വിശ്വാസം ഉറക്കെ പ്രഖ്യാപിക്കുന്നു, ഒക്ടോബർ 12 ശനിയാഴ്ച, ഗേറ്റ്ഷെഡ്‌ കാർഡിനൽ ഹ്യൂംസ് കാത്തലിക്ക് സ്കൂൾ ഹാള്ളിൽ വെച്ച് വിശുദ്ധ കുർബാനയോടെ തുടക്കമാകും.ന്യൂ കാസ്സിൽ രൂപത ബിഷപ്‌ സീമസ് കണ്ണിംഗ്ഹാമിന്റെ മുഖ്യകാർമീകത്വത്തിൽ നടത്തപെടുന്ന വിശുദ്ധ കുർബാനയിൽ രൂപതയിലെ വിവിധ രാജ്യങ്ങളിലെ വിശ്വാസികളും വൈദീകരും പങ്കെടുക്കും. തുടർന്ന് നടക്കുന്ന സാംസ്കാരിക സമ്മേളനത്തിൽ വിവിധ സംസ്കാരങ്ങളുടെ തനതു കലാരൂപങ്ങൾ അവതരിപ്പിക്കും. സ്നേഹവിരുന്നോടെ സമാപിക്കുന്ന സ്നേഹസംഗമം ന്യൂ കാസ്സിൽ രൂപതയിലെ വൈവിധ്യമാർന്ന സാംസ്കാരികകൂട്ടായ്മയിലെ വിശ്വാസ സാക്ഷ്യമായിരിക്കും. മലയാളി കത്തോലിക്കരുടെ ശക്തമായ സാന്നിധ്യമുള്ള ന്യൂ കാസ്സിൽ രൂപതയിലെ എല്ലാ കത്തോലിക്കാ വിശ്വാസികളും ഈ സ്നേഹസംഗമത്തിൽ പങ്കെടുത്ത് തങ്ങളുടെ വിശ്വാസം ഏറ്റു പറയണമെന്ന് അഭ്യര്ത്തിക്കുന്നു. രാവിലെ 11 മണിക്ക് തുടങ്ങുന്ന പരിപാടികൾ വൈകുന്നേരം 3 മണിക്ക് അവസ്സാനിക്കും
സ്നേഹസംഗമവേദി: Cardinal Hume Catholic School, Old Durham Road, Gateshead. NE9 6RZ
